Сите новости

КАМ - осма година по ред потврда за најдобар сооднос помеѓу цена и квалитет со нови Best Buy сертификати

КАМ, најпрепознатливиот македонски бренд и компанија во која граѓаните имаат најголема доверба, осма година по ред го потврдува најдобриот сооднос помеѓу цена и квалитет на пазарот, здобивајќи се со нови меѓународни сертификати „Best Buy“.

Новите признанија уште еднаш ја потврдуваат посветеноста на КАМ кон обезбедување квалитетни производи по достапни цени, како и континуираното унапредување на понудата во категориите кои се од секојдневно значење за потрошувачите.

Со дополнително признание „Best Buy“ се здоби одделот за свежо овошје и зеленчук, како потврда за понудата која комбинира свежина, квалитет и најдобра вредност за потрошените средства. Признание доби и приватната марка чоколади „Alpiko“ и „Gaja“, кои се препознаени како производи со одличен сооднос помеѓу цена и квалитет во својата категорија.

- Овие признанија се потврда за нашата континуирана посветеност кон потрошувачите и нивните секојдневни потреби. За нас, суштински дел од работата е на потрошувачите да им обезбедиме најдобар сооднос помеѓу цената и квалитетот. Горди сме што осма година по ред потрошувачите ја препознаваат вредноста што ја добиваат во маркетите на КАМ. Продолжуваме да вложуваме во квалитет, свежина, достапност и развој на приватните марки, со цел да обезбедиме уште поголема вредност за секое домаќинство - велат од КАМ.

Новите сертификати се надоврзуваат на постојните признанија „Best Buy“ кои КАМ ги доби за одделот за млечни производи, каде клучна улога има приватната марка „Bella Farm“, како и за приватните трговски марки за перење алишта и чистење на домот „Belil“ и „Klinko“. Дополнително, сертификатот за производи за миленици ја препозна вредноста на асортиманот под приватната марка „Alfie“, кој вклучува храна и грицки  за домашните миленици.

Со новите признанија, КАМ продолжува да ја зацврстува својата лидерска позиција на македонскиот пазар, нудејќи им на граѓаните производи кои обезбедуваат квалитет којшто е достапен по најдобри цени.

КАМ е македонскиот бр. 1 малопродажен синџир и компанија во која потрошувачите имаат најголема доверба. Ова признание, заедно со континуираните „Best Buy“ сертификати, ја потврдува долгорочната посветеност на компанијата да создава вредност за потрошувачите и да остане нивен прв избор при секојдневното купување.

Како знак на благодарност за посветеноста, трудот и секојдневниот придонес кон успехот на компанијата, КАМ и оваа година додели ваучери во вредност од 3.000 денари за своите вработени. 

Во пресрет на летниот период, ова е уште еден начин да покажеме дека ги цениме луѓето кои се најважниот дел од нашата приказна. 

Продолжуваме да вложуваме во благосостојбата и задоволството на нашите вработени преку бенефиции и иницијативи кои носат дополнителна вредност. 

Ви благодариме што сте дел од тимот на КАМ! 

КАМ со поддршка на спортот и активниот начин на живот!

Со големо задоволство бевме дел од овогодинешниот настан „Тур де Галичица“, организиран од велосипедско-планинарскиот клуб Преспа Бајк.

Настанот обедини околу 250 учесници од Македонија, Белорусија, Украина, Франција, Италија и Унгарија, кои уживаа во трите организирани тури низ прекрасните предели на Преспа и Националниот парк Галичица.

Преку донација на производи, КАМ даде поддршка за реализација на настанот и за сите љубители на велосипедизмот, планинарењето и престојот во природа.

Им благодариме на организаторите за укажаната доверба и им посакуваме уште многу успешни изданија на оваа манифестација.

Со голема чест ја примивме Благодарницата за особен придонес во реализацијата на проектот Social Day 2026, иницијатива која им овозможува на младите да стекнат практично работно искуство и преку својата дневница да придонесат за општествено корисни цели.

Оваа година КАМ беше домаќин на 10 ученици кои имаа можност одблиску да се запознаат со нашата работна средина, различните сектори и секојдневните работни процеси. Веруваме дека ваквите искуства се значајни за нивната професионална ориентација и развој.

Особено нѐ радува што нашиот ангажман, организација и посветеност беа препознаени од организаторите и истакнати како пример за успешна соработка меѓу бизнис секторот и младите.

Благодарност до организаторите и до сите ученици кои беа дел од оваа инспиративна иницијатива. Продолжуваме да поддржуваме проекти што создаваат можности за младите и придонесуваат за подобра заедница.

Во периодот од 9 до 12 јуни, Секторот за безбедност на КАМ реализираше четиридневна обука за 87 заменици раководители од сите маркети низ државата.

Целта на обуката беше нашите колеги да ги унапредат своите знаења за секојдневните безбедносни ризици во работењето и начините за нивно препознавање и превенција.

Преку презентации, практични примери и работа во групи беа обработени теми поврзани со системите за безбедност во маркетите, основите на cyber security, како и сценарија за разбојништво, кражба и кражба од вработен.

Посебен акцент беше ставен на интерактивната работа и размената на искуства, при што учесниците споделија идеи и предлози за понатамошно унапредување на безбедноста во нашите маркети.

Продолжуваме да инвестираме во знаењето и развојот на нашите вработени, затоа што безбедното работно опкружување е заедничка одговорност на сите нас.

КАМ со 3адоволство го поддржа проектот МИО „МАЛИ ГОТВАЧИ — ГОЛЕМИ КУЛТУРИ", преку кој учениците од Битола имаа можност да учат за различни култури и традиции на еден интересен, пријатен и практичен начин.

Како поддршка на оваа иницијатива, дониравме производи кои беа дел од активностите и подготовка на рецептиrе, придонесувајќи учениците да се стекнат со нови искуства преку учење, дружење и тимска работа.

Благодарност до организаторите за можноста да бидеме дел од оваа прекрасна и позитивна приказна, која ги поттикнува младите со радост да ја развиваат својата креативност, да запознаваат нови култури и да градат пријателства nреку заеднички активности.