Сите новости

Во пресрет на најголемиот христијански празник Велигден, КАМ и оваа година обезбеди празнични пакети со производи за своите вработени – како дел од бенефициите што компанијата континуирано ги реализира за верските празници.

Со оваа традиција, КАМ ја потврдува својата посветеност кон вработените, создавајќи средина во која грижата и почитта се вредности што се живеат секојдневно.

Во истиот дух, минатиот месец беа доделени пакет производи на нашите колеги од муслиманска вероисповед, по повод Рамазан Бајрам, со искрени честитки и убави желби за празникот.

Благодарни сме за секој член на КАМ тимот – со вашата посветеност, секој успех има поголемо значење.

По повод велигденските празници, КАМ реализираше донација за социјално загрозени семејства во општина Илинден.
Донирани се 50 пакет производи, со цел да се донесе повеќе топлина и радост во празничните денови.

КАМ останува посветен на поддршка на заедницата и создавање позитивни промени.

Во пресрет на празниците Рамазан Бајрам и Велигден, КАМ реализираше донација на производи во вредност од 40.000 денари за социјално загрозени семејства во општина Ѓорче Петров.

Со оваа донација, се надеваме дека ќе придонесеме празничната трпеза да биде исполнета за сите - затоа што вистинската вредност на празниците е во споделувањето, грижата и вниманието.

КАМ продолжува да вложува во заедницата и да помага таму каде што е најпотребно.

По повод 15 март – Светскиот ден на правата на потрошувачите, оваа недела во Клубот на пратениците во Скопје се одржа свечен настан организиран од Бирото за развој на образованието. Настанот беше посветен на доделување награди на учениците кои беа учесници на традиционалниот ликовен конкурс, кој има за цел да ја поттикне креативноста кај младите и истовремено да ја подигне свеста за правата и одговорностите на потрошувачите.

Преку уметнички израз, учениците од повеќе основни училишта низ државата имаа можност да ја претстават својата визија за одговорно и информирано потрошувачко однесување, како и значењето на одржливите навики во секојдневниот живот.
КАМ и оваа година го поддржа овој настан ‘Безбедни производи, сигурни потрошувачи’, со обезбедување на вредносни КАМ ваучери - награди за најдобрите ученици на ликовниот конкурс и за нивните наставници ментори.

Искрени честитки до сите наградени ученици за нивната креативност и труд.
Со поддршка на вакви образовни и општествено одговорни активности, КАМ продолжува да вложува во проекти кои придонесуваат за развој на свесни и информирани идни генерации потрошувачи.

📍 На 11 март, КАМ имаше чест да учествува на настанот „Кариерен ден на Економски факултет – Скопје, УКИМ“, во организација на Центарот за кариера, Економскиот факултет и Факултетското студентско собрание.

Настанот беше одлична можност нашите колеги да ги претстават кариерните можности, програмите за практиканство и корпоративните вредности што ги негуваме во КАМ, пред бројни студенти кои покажаа интерес за својот професионален развој.

Преку директни разговори и средби со студентите, имавме можност да ги споделиме перспективите за работа и раст во компанијата, како и да запознаеме многу мотивирани млади луѓе подготвени за нови професионални предизвици.

Благодарност до Економски факултет – Скопје, и организаторите за поканата и одличната организација на настанот.

Со нетрпение очекуваме повторни средби и нови идни колеги кои ќе се приклучат на нашиот КАМ-ТИМ. 👥📈

Со огромна чест и задоволство ја продолжуваме традицијаta - и оваа година КАМ е сребрен спонзор на најпосетениот спортски настан во земјава, Wizz Air Скопскиот маратон, кој ќе се одржи на 4 октомври 2026! 🏃‍♂️🏃‍♀️

Нашата поддршка е доказ за континуираната посветеност кон спортот, здравиот животен стил и вредностите што нe обединуваат. 🙌

КАМ тимот повторно ќе биде дел од маратонот - со енергија, истрајност и препознатливата црвена боја што ја носиме со гордост низ улиците на Скопје.

Ве покануваме да трчате со нас и да бидете дел од оваа спортска приказна што секоја година инспирира илјадници љубители на спортот и здравиот дух!

☑️ Заедно сме посилни! 🏃‍♂️🏃‍♀️💪

По повод три децени постоење и успешно работење, претседателот на Стопанската комора Бранко Азески оствари работна посета со менаџментот на КАМ. Предмет на разговори беа предизвиците на компанијата со кои се соочува, како една од водечките деловни субејкти во трговијата на мало, според повеќе показатели, број на вработени, инвестиции, промет, ниски маржи, освојување нови пазари надвор од државата и сл.

Претседателот Азески, посочи дека за Комората е од особено значење членството на КАМ која прашањата за деловен развој континуирано ги иницира преку коморското делување. Трговијата на мало е важна дејност во економското делување на државата и покренува циклус на обрт и во многу други стопански гранки. Акцентот во разговорите беше ставен и на важноста на основните параметри на живеењето како, пазарната економија, правната сигурност, лојалната конкуренција, сузбивањето на сивата економија, дигитализација на процесите кои се основа за функционирање на бизнисот.

Во економски рамки сите овие 35 години од осамостојувањето на државата бизнисот порасна, а државните институции немаат капацитет и можност да го следат развојот. За таа цел вели Азески и во разговорите со Владата постигнат е концензус дека е поребно домашните компании да имаат предност пред странските при објавување јавни набавки за разни видови услуги и производи според формули применети и во други земји, да се работи на рационализација на јавниот сектор кој вработува голем број работници, а има исклучително ниска продуктивност и дека буџетот треба да го намалува процентот на социјални трансфери за сметка на раст на развојните и инвестиционите програми. 

На средбата беше констатирано дека големите компании треба да бидат во поголем обем препознаени од држаавата, што не е случај години и децении наназад, бидејќи големите субјекти врзуваат голем број мали фирми и се основа за нивен опстанок.

КАМ групацијата има мрежа од 86 трговски објекти во државата, сопствен дистрибутивен центар, вработува над 1500 лица, како и 25 трговски објекти во Бугарија. Најголем предизвик е недостигот на кадар, како и серија законски системски прашања за кои нудат и конкретни предлози за нивно решавање.

Во рамки на посетата, претседателот Азески на менаџментот на КАМ по повод 30 години одбележување додели Признание за посветеност, успех и развој.

КАМ со поддршка на македонскиот репрезентативец и олимпиец Ставре Јада на Зимските олимписки игри во Милано-Кортина 2026!

Со гордост го поддржуваме Ставре Јада, кој ќе ја претставува нашата земја на Зимските олимписки игри во Милано-Кортина, натпреварувајќи се во дисциплината нордиско трчање.

Неговата посветеност, дисциплина и истрајност се пример за спортски дух и упорна работа.

Му посакуваме многу успех и одлични резултати на олимписката патека! ❄️⛷️